حكاية نجاة
اللي في الصورة دي اسمها نجاة.. عملت حاجة غريبة جدا. الست دي دخلت قسم شرطة المعادي.. مساء الخير يا جماعة.. انا عايزة ابلغ عن جــــــ،،ريمة قــــــ،،تل.. طيب خير اقعدي اشرب لمونادا. قالتلهم مشربش.. طيب مين يا ستي اللي قــــ،،تل وقــــــ،،تل مين..
قالتلهم انا اللي قــــ،،تلت.. وقــــــــ،،تلت صاحبتي سامية.. ليه قــــــ،تلتيها ياللي تتشكي في معاميعك.. قالتلهم قــــــ،،تلته علشان الحاجة قالتلي اقــــ،،تليها.. مين الحاجة طيب.. راحت ضحكت وقالتلهم دي الجنية صاحبتي.. جنيه يعني بنت شقية وكدا.. لا جنيه يعني من الجن يا أستاذ..
دي كانت البداية علشان تتفتح واحدة من اغرب القضايا في سنة 1977… زي ما نشرت مجلة آخر ساعة.. واللي إعادة نشره صحيفة اخبار اليوم.. والقصة زي ما قلتلك ان نجاة نور الدين قــــــــ،،تلت صاحبتها سامية خــــــــ،،نقا لان فيه جنية اسمها الحاجة قالتلها اقــــــ،، تلي صاحبتك سامية علشان ناخدها معانا ونعيش في سعادة.. وقالت كمان ان المشكلة انها بعد ما قـــــــ،،تلت سامية الجنية مجاتش خدت جثتها..
طبعا كلام عبيط واهبل.. بس الغريب ان الشرطة لما راحت المكان لقت جثة سامية فعلا.. والغريب اكتر انهم لما سالوا أبو نجاة وجوزها قالوا انها كانت بنكلم حد مش شايفينه اسمه الحاجة.. وانه في عربية فاخرة كانت بتيجي تاخدها من قدام البيت.. وتقولهم رايحة اقعد مع الحاجة في شــــــــ،،قة الزمالك.. ودي مش شهادة الزوج بس.. دي شهادة الجيران كمان..
اتقـــ،، بض على نجاة واتبعتت لمستشفى العباسية اللي قالوا انها مصـــــ،،ابة بانفصام في الشخصية.. وبعد شهرين من الملاحظة الطبية خلصت اللجنة اللي بتعالجها للاتي: “نجاة تتوهم وتتصور بعض الأشياء غير الحقيقية وتعتقد أنها خلاف الواقع حقيقة وعلى ضوء هذه الحقيقة المزيفة
تصدر منها بعض التصرفات التى تعتبر غير مسئولة عنها لخضوعها تحت هذا التأثير المزيف.. وانتهى هذا التقرير بأن حالة نجاة تعتبر مرضًا عــــ،، قليًا لا يستوجب العقاب”.. فالنيابة حفظت القضية يوم 13 يناير. ويوم 22 يناير صدر قرار ان نجاة تكمل في مستشفى الامراض العقلية لحد ما تخف.. ودخلت عنبر 27 وعاشت فيه.
المشكلة ان نجاة حامل.. فجوزها اللي شغال ملاحظ في مصنع.. قدم طلب لا إدارة المستشفى للتصريح ليه باستلام زوجته عشان يحطها في مستشفى قريبة عشان ميعاد ولادتها اللي قرب.. وعشان تكون تحت ملاحظته…لكن إدارة مستشفى الأمراض العقلية رفضت طلب وقالت انه بيتعارض مع لائحة المستشفى..
بعدها بيومين دخلت الممرضة عنبر 27 عشان تودي الاكل ملقتش نجاة.. قلبوا عليها المستشفى مفيش.. بلغوا الشرطة.. اللي دورت في بيت جوزها وابوها واخوها والقرايب والجيران والاهل والخلان.. لكن نجاة اخــــ،، تفت.. وحتى وقتنا هذا محدش يعرف نجاة راحت فين أصلا.. الغريب انهم لما قعدوا يستجوبوا لقوا راجل يبدو عليه الثراء.. ساب 500 جنيه تحت تصرف نجاة في المستشفى.. مين الراجل دا.. محدش يعرف..
وانت عامل إيه ؟
بهاء_حجازي
