قصة

قالت كلامها وسابته ودخلت جوه

وبعدها فعلا أسامة ودي بنته الطب الشرعي وقالو انها لسه بنت ورجع بيها البيـ،ـت وقال لنهي وهو بيعيط

أسامة

شوفتي يا نهى مش قولت لك ان بنتي لسه بنت انا عارف اخلاقها كويس جدا ودلوقتي هبعت اجيب واحده تغسلها

نهى بارتباك

يعني ايه اللي كان في بطنها ده مكنش حمل ازاى وبعدين واحده مين دي اللي تغـ،ـسلها انا هجيب لك واحده معرفتي انا تغـ،ـسلها وخلاص خلصنا رد اخوه مدحت وقاله

مدحت

والله انا مش عارف كان لزومو ايه انك تعمل كده في البت يا اسامة اييه انت كنت بتقول للي مايعرفش يعرف ولا ايه ولا انت شكلك دماغك اتلحست من بعد مـ،ـوت بنتك اللي حملت في الحـ،ـرام وجابت لك العـ،ـار

أسامة

لا يا مدحت انا دماغي لسه زي ما هي انا بس كنت عايز أأكد لكم ان البنت زي الفل وانا مربيها كويس جدا وعمرها ماتعمل حاجة حـ،ـرام غلط ولا حـ،ـرام

نهى

هو انت اصلا ربيتها ولا شوفتها يا أسامة ده البت دي كانت دايرة على حل شعرها اصلا

أسامة

حـ،ـرام عليكي انتي ازاى تتكلمي عليها كده اسمعي انا مش عايز اسمع صوتك خالص انتي سامعه ولا لا وفي الوقت رجع حسام اخو البنت من بره وشاف العيلة كلها متجمعة وقال

حسام

ايه ده في ايه ايه الحكاية يا ماما هي العيلة كلها هنا ليه

نهى

تعالي يا حسام تعالي ياحبيبي شوف ابوك وعمايله قال ايه راح خرج اختك من قبـ،ـرها عشان خاطر يكشف عليها ولما كشف عليها قالو له انها مفيهاش حاجة

حسام

ده ايه الكلام الفارغ ده يابابا ازاى تعمل كده في أميرة وهي فين جـ،ـثتها بقا ان شاء الله

نهى

جوه في الاو.ضة مستنين المغـ،ـسلة تيجي عشان تغسلها والله هو شكلة كده ارتاح لما عمل اللي عمله ده

أسامة

انا مش عايز حد فيكم يتكلم نص كلمة واحدة انتو سامعين ولا لا

وبعدها انا وصلت ودخلت عند البنت بس قبل ما ادخل مرات ابوها قالت لي

نهي

ياريت تخلصي بسرعه الغسل خلينا نخلص بقا من الهم ده ونروق لروحنا

ام احمد

إن شاء الله يامدام هو حضرتك تبقى ام البنت المتوفـ،ـيه ولا ايه

نهى

اه ياختي زي ما تقولي كده انا امها اللي ربتها بس مخالفتهاش يعني انا مرات ابوها بس ابني يبقا اخوها

ام احمد

ااه طيب ممكن ادخل عشان اغسل البنت بقا عن اذنك

ودخلت على البنت اللي كانت زي اللي نايمة وبعدين اصلا مرات ابوها متعرفش اني بكلم الأمـ،ـوات وبعرف اسرارهم ايه وقولت للبنت

ام احمد

السلام عليكم ورحمة الله وبركاته لاحول ولا قوة الا بالله انتي تعرفي اني انا هنا عشان اساعدك يابنتي ياريت تعرفيني انتي اللي حصل معاكي بالظبط قومي واحكي متخافيش

في الوقت ده قعدت البنت وفضلت تعيط وقالت

أميرة

كويس انك جيتي عشان تعرفي اللي حصل معايا منهم وتعرفي بابا اني معملتش حاجة واللي حصل معايا كان غصب عني والله

ام احمد

طيب وهو ايه اللي حصل معاكي بالظبط

أميرة

انا كنت في محافظة تانية بدرس في الجامعة وطبعا روحتها بس مكنش بالساهل على امي اقصد مرات ابويا لأنها كانت رافضة اني اكمل في الجامعة وفي يوم قالت لبابا

#فلاش باك

نهى

انت عايز بنتك تروح تعيش في محافظة تانية لوحدها يا اسامة انت شكلك عقلك جرا فيه حاجة

أسامة

انت عايزة ايه يا نهى وبعدين دي بنتي وانا حر فيها واصلا هي اللي نصيبها جالها في محافظة تانية هنقول لا بقا ونقعدها

نهى

لا ابعتها محافظه تانية عشان تدور فيها على حل شعرها ااه ماهو على راي المثل البلد اللي ملكش حد فيها اعمل اللي يحلالك فيها