هزات ارضية وعواصف واحداث طبيعية مرعبة
زلاز,,ل وعواصف وكوارث طبيعية مرعبة.. هل مصر مهددة بموجات تسونامي؟! وأيه بالظبط اللي بيحصل في البحر المتوسط؟!
من كام ساعة فاتوا، انتشر فيديو لقبطان بحري شاب بيقول حاجات مخيفة…
البحر المتوسط فيه حاجات غريبة وغير مسبوقة بتحصل دلوقتي تحت سطحه وفي القاع، والحاجات دي مأثرة على حرارته وعلى حركة المية والموج ومسببة اضطرابات كبيرة، وكمان ممكن تتسبب في كوارث طبيعية ضخمة خلال الساعات والأيام اللي جاية!
طب يا ترى أيه مدى صحة الكلام ده، وهل هو حقيقي فعلًا؟ والموضوع كله بدأ منين وإمتى أصلًا؟!
️ هات بقى كوباية شايك الحلوة ونعناعك ف إيدك وتعالى معايا أحكيلك القصة اللي دايرة دلوقتي دي كلها من البداية، عشان تعرف الحقيقة فين…
(ملحوظة مهمة أوي: يا ريت تقرا البوست للآخر قبل ما ترد، عشان تفهم الحقيقة بعيد عن فيديوهات الهبد والكذب المنتشرة دلوقتي..)
شوف يا سيدي… إمبارح اللي هو يوم 29 يونيو 2025، البحر الأبيض المتوسط سجل أعلى متوسط درجة حرارة سطحية في تاريخه، وصلت لـ 26.01 درجة مئوية كاملين… وده بزيادة ما بين 3 لـ 5 درجات عن المعدلات الطبيعية!
البيانات دي تم تسجيلها من مراصد أوروبية منها مرصد “كوبرنيكوس Copernicus” للطقس، وأكدتها مراكز الطقس في الشرق الأوسط.. وبرغم ان الرقم ممكن يبانلك بسيط في الأول أو ممكن متستوعبوش، فخليني أقولك ان درجات الحرارة دي مش المفروض تحصل غير في مناطق استوائية!
والأخطر من ده كمان هو إن الموضوع مكانش في بقعة صغيرة، لأ ده الدرجات دي تم تسجيلها في حوض البحر كله.. وعايز أقولك كمان ان المناطق الغربية اللي ناحية بحر تيرّانيا اللي بيحده السواحل الفرنسية والإسبانية والإيطالية، كانت فوق المعدل بـ 4 درجات…
يعني الحرارة فيها وصلت لـ 29 درجة كاملين!
والمشكلة ان دي مش حاجة جديدة، ومش أول مرة تحصل… البحر المتوسط بقاله من أغسطس اللي فات، عمال كل شوية بيسجل أرقام قياسية محصلتش قبل كده من ساعة ما بدأنا أرشفة بيانات الأرصاد سنة 1982…
بس الفكرة هي إن في أي منطقة تانية، ممكن الحرارة دي تبقى مجرد رقم عادي وميكونش فيه مشكلة خالص… لكن في البحر المتوسط بالذات، الوضع مختلف وأخطر بكتير…
طب ليه؟!
السبب يا صديقي هو ان البحر المتوسط يعتبر بحر شبه مغلق، ومش زي باقي البحار والمحيطات التانية… وده معناه ان المية اللي فيه مش بتتغير كتير، ومفيش تبادل بيئي كبير بيحصل بينه وبين المحيط الأطلنطي… وعشان كده فهو بمجرد ما بيسخن؛ الحرارة بتفضل محبوسة جواه ومبتروحش بسهولة… وده بيخلق بيئة مثالية لكوارث طبيعية ومناخية مكانتش بتحصل قبل كده إلا بشكل نادر جدًا…
وبحسب كلام ودراسات مناخية من أكتر من مركز علمي، منهم المركز المتوسطي للأبحاث البيئية CEAM، فالحرارة دي ممكن تؤدي لتكوّن أعاصير استوائية صغيرة اسمها “Medicanes”… ودي عبارة عن أعاصير بتتشكل في الخريف عادةً، لما حرارة البحر تبقى عالية بالشكل ده… بس بالشكل ده، فهي خطر حدوثها عمال بيزيد، وفي أوقات مكانتش بتحصل فيها قبل كده أصلًا!
كمان في توقعات إن هيكون في اضطرابات وعواصف ضخمة هتحصل في الخريف الجاي، وهتتحول لرياح شديدة وسيول عنيفة هتضرب بعض المدن…
والمشكلة موقفتش هنا للأسف…
حسب الدراسات والأبحاث المنشورة في المصادر العلمية وهسيبهالك كلها في الكومنتات ففي شهر يوليو اللي فات، البحر قذف أكتر من 200 طن من الأسماك النافقة في 3 أيام بس، على سواحل مدينة توسكانا في إيطاليا…
وفي نفس الوقت، في أكتر من 1000 نوع سمك دخيل دخلوا البحر المتوسط، منهم سمك الأرنب الدخيل اللي أصبح دلوقتي بيشكل حوالي 80% من إجمالي عمليات الصيد في تركيا!
ده غير ان في أنواع سامة ظهرت في البحر المتوسط زي سمك الأسد وسمك القفاز اللي لو دخلوا السلسلة الغذائية ممكن يهددوا حياة الناس قبل الكائنات البحرية!
كمان الأنظمة البيئية اللي بتنظم المناخ نفسه من تحت سطح البحر بتنهار… وفي مروج من الأعشاب البحرية اسمها الـ “بوسيدونيا” Posidonia، بتشتغل زي مصنع أكسجين طبيعي تحت سطح المتوسط، وبتنقي الكوكب من انبعاثات الكربون، بتختفي دلوقتي قدام عيوننا…
طب والسبب في كل ده أيه؟!
السبب يا صديقي هو التغير المناخي الرهيب، والاحترار غير المسبوق اللي بيمر بيه الكوكب في خلال السنين الأخيرة، واللي أدى لتغير خريطة الطقس والمناخ كله، وخلى الظواهر الطبيعية المتطرفة تبقى عشوائية وغير متوقعة، وتحصل بشكل أكتر بكتير!
بس المرعب بقى هو مش كل ده…
المرعب فعلًا هو ان من كام ساعة كده، ظهر فيديو لقبطان بحري شاب، مسجله من فوق سفينة موجودة في البحر المتوسط، وبيقول ان الساعات اللي جاية في خــ,طر ضخم ومخـ,يف بيهدد السواحل المصرية على البحر المتوسط، بسبب “تدخلات صناعية” على حد تعبيره، و”ســ,لاح أو جهاز سري” بيتم استخدامه حاليًا لتسخين البحر وخلق اهتزازات أرضية في قاعه، هتؤدي لحدوث موجات تسونامي تضر.ب سواحل المدن المصرية!
طب أيه بقى الكلام ده؟ وهل ممكن يكون صحيح فعلًا؟!
الحقيقة يا صديقي ان الكلام ده مش حقيقي وخاطيء تمامًا… وده لأكتر من سبب…
أول حاجة، الهيئة القومية للبحوث الفلكية في مصر أكدت إنه مفيش أي نشاط زلزا,,لي غير طبيعي. وآخر زلزا,,ل كبير في المتوسط (اللي هو كان زلزا,ل كريت اللي حصل الشهر اللي فات) كان بعيد جدًا عن مصر وما سببش تسونامي… وفرص حدوث تسونامي في بحر زي البحر المتوسط أصلًا ضعيفة جدًا ونادرة وصعب توصل الأمور للدرجة دي…
طيب واللي بيقولوا إن دي كوا,,رث صناعية أو بفعل البشر؟
بعض الناس بدأت تربط اللي بيحصل بحاجات زي مشروع هارب HAARP، اللي هو المفروض بيتحكم بشكل صناعي في الطقس حسب نظريات المؤامرة المشهورة عن الموضوع…
️ بس الحقيقة ان مفيش أي تقنية حالية تقدر تخلق زلا,زل أو أعاصير بالشكل ده. دي نظريات مؤامــ,رة مش مدعومة بأي دليل علمي حقيقي.. وأنا كنت اتكلمت عنها في مقال طويل قبل كده من البداية للنهاية بالتفاصيل العلمية هسيبهو
