قصة

ابوها عملها كـ،ـشف عـ،ـذريه في القـ،ـبر عشان يثبت انها شـ،ـريفه لأهل البلد لكن الدايه اكتشفت كـ،ـارثه رعـ،ـب

(المغـ،ـسلة)

انا أم أحمد المغـ،ـسلة طبعا عارفني كويس انا النهارده جايبة لكم حكاية غريبة جدا وقبل ما بدأ الحكايه في يوم قولت هاروح أزور الست فريدة جارتي وفتح لي نبيل وقال

نبيل

يا اهلا وسهلا ياست ام احمد اتفضلي والله انا مش عارف اشكرك ازاى على عملتيه معانا بجد لوما وقفتك معانا مكناش هنعرف فريدة هيبقا مصيرها ايه

ام احمد

يعني فريدة بقت كويسة يا استاذ نبيل وعرفتو اللي عمل فيها كده ولا ايه الحكاية

 

نبيل

الصراحة الشيخ اللي انتي جبتيه لينا راجل الصراحة في قمة الأخلاق وعرفنا انها كان فعلا معمول لها سـ،ـحر بس طبعا قالنا بلاش تعرفوا مين اللي عمل كده بس انا قولت له اهم حاجة عندي ان فريدة تتعافي وبس والحمد لله اتعافت وبقت كويسة

ام احمد

طيب الحمد لله يا استاذ نبيل وربنا يكرمكم يارب ويبعد عنكم اي اذي طيب فين عشان اسلم عليها وجات علينا فريدة وقالت

فريدة

ازيك يا ام احمد والله نبيل حكي لي على كل اللي عملتيه معايا وانا تعبانة وربنا يبارك فيكي يا ام احمد انا مهما قولت مش هوفيكي حقك انا دلوقتي بقيت كويسة جدا وكمان بقيت بشغل القرآن في البيـ،ـت علطول وربنا يسترها عليا وعلى أولادي

 

ام احمد

متقوليش حاجة يافريدة ده انتو كلكم ولادي يابنتي المهم انا عايزاكي بقا تخلي بالك من كل اللي حواليكي وبلاش يا استاذ نبيل عزومات عند حد والحاجات دي طبعا انت تزور اخواتك وتودهم واوعي تقطع معاهم بس تاخد بالك يابني من اي حاجة

نبيل

اكيد طبعا اللي حصل معانا خلانا ناخد بالنا كويس واللي عمل كده او اللي عملت كده ربنا يسامحها بقا

ام احمد

طيب استأذن انا بقا انا قولت بس اجي اطمن على فريدة اصل انا عرفت ان ربنا عفاها وربنا يخليكم لبعض يارب ويبارك في أولادكم يا استاذ نبيل انت وفريدة

 

فريدة

مع السلامة يا ام احمد بس ابقي تعالي بقا اوعي تغيبي عننا اوي كده خلينا نشوفك دايما

وبعدها سلمت عليها بعد ما اطمنت انها بقت كويسة ومشيت رجعت البيـ،ـت وحنان قالت لي

حنان

ايه الاخبار يا ماما روحتي لجارتك انتي متأخرتيش عندها زي كل مره يعني هي بقت كويسة فعلا زي ما بيقولو

ام احمد

اه يا حنان يابنتي متتصوريش البنت دي كانت صعبانة عليا ازاى ده انا كنت حاملة همها زي ما تكون بنتي بالظبط والله يا حنان ربنا يسترها عليها ويبعد عنها الاذ,ية يارب

 

حنان

يارب ياماما يسترها علينا جميعا بقولك ايه انا هاقوم احضر لك لقمة تاكليها عشان انتي مفطرتيش لحد دلوقتي

ام احمد

ماشي يا حبيبتي ربنا يباركلي فيكي يا حنان وفي الوقت ده دخل احمد ابني وقالي

احمد

سلام عليكم ورحمة الله عامله ايه ياست الكل كويس اني لقيتك هنا

ام احمد

وعليكم السلام يا حبيبي خير يا احمد في ايه يابني هو في حاجة ولا ايه

احمد

ابدا اصل في حكاية كده عايز اقولك عليها بخصوص بنت ابوها عايز يخرجها من المقـ،ـابر بعد ما اتدفـ،ـنت

ام احمد

ياااه طيب وليه ابوها عايز يعمل كده يا بني بس ده حتى يبقا حـ،ـرام عليه انه يعمل كده

احمد

اصل الموضوع انه هو كان مسافر بره مصر ورجع طبعا على خير وفـ،ـاه بنته بس امها واخوها كانو خلاص دفـ،ـنوها ولما رجع هو عايز يخرجها وطبعا انتي هتروحي عشان تغـ،ـسليها تاني وتعرفي في ايه اللي حصل مع البنت دي

 

ام احمد

والله يابني دي حكايه غريبة طيب هو خرجها يعني ولا لسه

احمد

بصي هو كان معايا في المسجد وكان بيعيط جامد على بنته وحكي لي ان البنت اتوفـ،ـت وامها واخوها هي المفروض انها مراته مش امها بس عشان مربياها وكده فتعتبر امها الست دي بقا قبل ماهو يوصل دفـ،ـنتها بعد ما جابت لها تصريح دفـ،ـن واتدفـ،ـنت

حنان

طيب ولما هي اتدفـ،ـنت هو عايز يخرجها ليه يا احمد مش المفروض انها خلاص اتدفـ،ـنت

احمد

لأنهم يا حنان بيقولوا ان بنته كانت بتعمل حاجة غلط وبعدها اتوفـ،ـت بسكتة قلبيه فهو عايز يثبت لهم ان هو مربي بنته كويس وعايز يخرجها ويكشف عليها عشان محدش في العيلة يتكلم عليها لان طبعا اللي هي مراتة دي مسكتتش وعرفت الكل ان البنت كان فيها حاجة

 

ام احمد

لا حول ولا قوة الا بالله طيب وهو ازاى عايز يعمل كده في حرمة المـ،ـيت ويخرج الجـ،ـثة الموضوع يبقا شكله كبير اوي يا احمد يابني

احمد

بصي ياأمي انتي تعملي اللي عليكي وخلاص ياحبيبتي وان شاء الله انتي تعرفي الحقيقه فين بس عايز اقولك حاجة انا قلبي ان البنت دي في حاجة حصلت معاها من مرات ابوها دي

ام احمد

طيب وانت ايه اللي يخليك تقول الكلام ده يابني

احمد

عشان منين قالت له ان البنت دي كانت مش كويسة وبتعمل حاجات غلط وانها كانت شاكة فيها ومنين البنت راحت كده بسكتة قلبيه

حنان

اكيد يا احمد ربنا هيظهر الحق وكل حاجة هتبان طبعا

وفي بيـ،ـت أسامة اللي بنته اتوفـ،ـت دخل لمراتة وقالها

 

أسامة

انا خلاص يا نهى هطلع البنت من القـ،ـبر هعملها كـ،ـشف عـ،ـذرية عشان اعرف اذا كان كلامك صحيح ولا لا وادي تصريح استخراج الجـ،ـثة معايا اهو

نهى بتوتر

وانت ااا يعني ليه عايز تعمل كده ليه يا اسامة هو بعد كل اللي حكيت لك عنه ده مش مصدقني ده كفايه ان بنتك كانت عايشة في محافظه تانية لوحدها وراجعة منها بطنها ااد كده

أسامة

بقولك ايه يا نهى انا مش عايز وجع دماغ وكلام كتير وبعدين انتي قلقانة ومتوترة ليه كده سبيني أظهر براءة بنتي اللي وسـ،ـختي سمعتها وسط العيلة دي وانا مبقتش عارف ارفع راسي وسط اخواتي

نهى

بقولك ايه اعمل اللي انت عايزة انا خلاص زهقت من تصرفاتك مع بنتك ودلعك ليها حتى وهي مـ،ـيتة مش عايز تصدق عليها حاجة ياخويا بلا هم