اليتيم

زوجه تحكي قصه زوجها………….تقول زوجي امه مـ,ـاتت و هو عنده سنة و عمته ربته لحد ما شد حيله شوية و بقا عنده خمس،سنين و ماتت هي كمان كان ابوه في الفترة دي متجوز بعد مامته ف راح قعد مع ابوه و مرات ابوه مرات ابوه كان عندها ولد و بنت من جوزها الاولاني و خلفت اربعه كمان من ابوه

كانت بتعاملهم كلهم كويس و بحنيه الا جوزي كانت قىاسية عليه اوي

لدرجة انه حتى الاكل ولادها ياكلوا فراخ و لحمة و هو تحطله شوية عدس و لا بصارة و لا رز و طبيخ و خلاص

كان شاطر اوي في المدرسة و بيطلع من الاوائل

لما وصل لاولى اعدادي فضلت تزن انه كفاية تعليم و يشتغل مع ابوه عشان يصرف على اخواته

و ابوه للاسف كانت شخصيته ضعيفه جدا و هي اللي مسيطرة على كل حاجة

ساب المدرسة و اشتغل نجار مع ابوه عشان يصرف على تعليم اخواته و الاتنين اللي مش اخواته اللي هما في سنه و اكبر منه

و كبر جوزي لحد ما بقا عنده عشرين سنة على نفس الوضع

جه ابوه مىات

اول حاجة حصلت انها طىردته من البيت و كلت عليه ميراثه من ابوه

جوزي قعد كام شهر متبهدل شوية عند عمه شوية عند صاحبه لحد ما ربنا كرمه بعقد عمل في دولة عربية

قعد هناك 15 سنة متواصل منزلش مصر ملوش حد ينزله

ربنا كرمه اخر كرم و فتح له ابواب الرزق من حيث لا يدري و لا يعلم

جوزي بقا مليونير اللهم بارك يارب

ف نزل مصر بعد 15 سنة غربة

اول حاجة عملها بنى جامع على روح امه و ابوه الله يرحمهم

راح لبيت ابوه يزور اخواته لقى حالهم لا يسر عدو و لا حبيب