ابويا قلي غيري باسورداتك حكايات صافي هاني
2
ابويا قلي غيري باسورداتك حكايات صافي هاني
ضحكة فانيسا اتمحت تمامًا.
دانيال شد منه الفاتورة بعصبية.. المجموع كان 990,000 دولار.
في الناحية التانية من المدينة، موبايلي كان عمال يرن ورا بعضه بإنذارات اختراق وسحب زي الألعاب . كنت قاعدة على ترابيزة المطبخ في بيت أبويا وببص للشاشة وأنا مبرقة.
أبويا صب القهوة في فنجاني وبصلي وقال: “دلوقتي بقى.. نقدر نقول الطلاق الحقيقي بدأ.”
دانيال وقف في مكانه زي الصنم. النادل واقف مستني، وصينية المجوهرات اللي عليها العقد الياقوت بتلمع تحت الإضاءة وكأنها بتشمت فيه.
فانيسا بدأت تفرك في إيديها بتوتر، وقالت بصوت واطي ومحرج: “دانيال؟ في إيه؟ اتصرف، الناس بتبص علينا!”
دانيال طلع محفظته وبدأ يطلع كل الكروت اللي حيلته، كروت ائتمان شخصية، كروت بنوك تانية.. سحبهم كلهم واداهم للنادل وهو بيزعق بصوت مكتوم: “جرب دول! كلهم! مستحيل مفيش ولا واحد يشتغل!”
النادل خد الكروت ورجع بعد دقيقتين، والنفس النظرة المشفقة على وشه: “آسف يا فندم.. كروتك الشخصية كلها اترفضت لعدم كفاية الرصيد. الحد الأقصى بتاعها ميكملش 5% من تمن الطلبات.”
في اللحظة دي، دانيال افتكر.. هو سحب كل سيولته النقدية الأسبوع اللي فات عشان يشتري لـ فانيسا شقة باسمها، وكان معتمد اعتماد كلي على كروتي المشتركة وكارت شركتي عشان يغطي مصاريف الليلة دي ويوهمها إنه لسه ملياردير.
المدير العام للنادي جه بنفسه، وراه اتنين من أفراد الأمن حجمهم يخوف. المدير قال بنبرة حاسمة وصارمة: “مستر ويتمور، إحنا نادي خاص، والدفع هنا فوري. لو مش هتقدر تسدد الـ 990,000 دولار حالا، هنضطر نطلب شرطة مانهاتن بتهمة الاحتيال والسرقة.”
فانيسا أول ما سمعت سيرة الشرطة، العقد وبطحت بيه على التربيزة، وخدت شنطتها وبصت لـ دانيال بقرف وقالت له: “أنا مش هبهدل سمعتي مع واحد نصاب!” وسابته وجريت على بره الكافيه وسط نظرات الشماتة من كل الحاضرين.
عندي في المطبخ، الموبايل بطل رن.
أبويا أخد بوق من القهوة بتاعته، وبصلي بطمأنينة وقال: “الراجل اللي يفتكر إن ذكاءه أعلى من القانون، بيقعه في شر أعماله بأسهل طريقة. دانيال كان فاكر إنه لما ياخد نص أملاكك في التسوية هيبقى ملك.. منسيش إنك إنتِ اللي كنتِ بتديري البيزنس وهو مجرد واجهة.”
في اللحظة دي، جالي مسج على الموبايل من رقم دانيال.. فتحتها وأنا ببتسم.
المسج كانت: “إيميلى، أرجوكي ارفعي الحظر عن الكارت الأسود.. أنا في مصيبة وهتحبس، هصلح كل حاجة، أنا أسف!”
قفلت الشاشة، وبصيت لأبويا وقلت له: “تفتكر نرد عليه؟”
أبويا ابتسم وقال: “لأ.. سيبيه يتعلم يقرا كشف الحساب في الحجز.”
دانيال مقعدش في الحجز كتير، لإن محاميه لحقه الصبح وكفله بضمان الشقة الجديدة اللي اشتراها لـ فانيسا – الشقة اللي هي أصلًا رفضت تقابله فيها وقفل تليفونها في وشه من النجمة.
