ابويا قلي غيري باسورداتك حكايات صافي هاني
6
ابويا قلي غيري باسورداتك حكايات صافي هاني
سندت ضهري على الكرسي وقلت له ببرود: “مش فارق معايا يا بابا.. دانيال بالنسبة لي من لحظة ما غيرت الأرقام السرية بره القاعة 6B.”
أبويا هز رأسه وقال: “هو ده الصح. العقاب الحقيقي للمتسلرين اللي زي دانيال وفانيسا مش ولا الفقر بس.. العقاب الحقيقي هو إنهم يفضلوا عايشين ويشوفوكِ وإنتِ بتنجحي وتكبري من غيرهم، ويستوعبوا إنهم مكنوش غير مجرد فرملة في طريقك وإنتِ شيلتيها.”
سكت شوية وبعدين كمل وهو بيضحك: “بالمناسبة.. مدير بنك التنمية كلمني وبيقول إن فانيسا قدمت على قرض صغير عشان تفتح محل كوافير، والبنك رفض لإنها كانت ضامنة دانيال في قروض قديمة واسمها في البلاك ليست.”
ابتسمت وقولت: “الطيور على أشكالها تقع يا بابا.. هما اختاروا الطريق السهل، والطريق السهل دايماً آخره حيطة سد.”
قمت من على مكتبي، وأخدت شنطتي، وبصيت لأبويا وقلت له: “يلا بينا؟”
قال لي: “على فين؟”
قلت له وأنا بقفل باب المكتب بالكامل: “هنروح نحتفل بالفرع الجديد.. والمرة دي، العشاء على حسابي أنا، ومن الكارت الأسود بتاعي اللي محدش في الدنيا يعرف رقمه السري غيري.”
أبويا ضحك وطبطب على كتفي وإحنا خارجين.. ومن يومها، قفلت الصفحة دي ومبقتش تتفتح تاني. القصة بدأت بخمس دقايق وبكلمة سر.. وانتهت بنجاح ملوش آخر.
