رجاء الجداوي

في ساعة صفا .. يُقال إن سبب إنفىصال والدي و والدتي لما خالتي (تحية) اشتغلت راقـ..ـصة، فبالنسبة لهم كان شيء فظيع ،فأبويا طىـLـق أمي بينا إحنا الخمسة كان عندي ساعتها 3 سنين

خالتي إلى حد كبير اعتبرت نفسها مسؤولة عن اللي حصل فتكفلت بينا ، بس والدتي كنت ست عظيمة ، لغاية لما ىٓوفت كانت تفضل تقولنا أبوكم إسألوا عليه هتحتاجوه ، فكنا بنشوفه علي فترات

في يوم من الأيام وأنا بعرض مسرحية الواد سيد الشغال جالي تليفون من حد معرفوش بيقولي إلحقي أبوكي تعيشي انتي

حاولت أعيط معرفتش ، لأن العِشرة بتبني حاجات كتير أوي و البعد بيقىٓـ.ـل حاجات كتير أوي

المهم روحت لأختي الكبيرة قلت لها بابا تعيشي انتي و جمعت إخواتي و خدنا عربيتي و طلعنا على الاسماعيلية

وإحنا راكبين العربية أختي إبتدت تعيط قلت لها استني متعيطيش من دلوقتي لما نروح هناك أكيد هيصوتوا و هنتأثر و نعيط كلنا ، المهم وصلنا تحت البيت لقينا الناس نازلين من العمارة عادي و مفيش أي حاجة ، محدش قالنا مثلاً البقية في حياتكم فاستغربنا أوي

طلعنا حْبطنا على الشقة فتحت لنا مراة أبويا أهلاً وسهلاً ببص وراها لقيت أبويا نايم بس دي نىومة واحد عايش عادي

قالتلنا خير يا ولاد لابسين أسود ليه ؟ إتأكدنا بقى ساعتها إن مفيش حاجة ، قلنا لها مفيش إحنا كنا بنعزي هنا جنبكم و قلنا نعدي عليكم و نشوف بابا

قعدنا معاهم وهو قابلنا و أهلًا يا ولاد و مش عارف ايه ، واحنا قاعدين ابتدا يجيلي تلغرافات تعزية ، لدرجة إن أبويا سألني هو إيه الحكاية ؟ قلت له بص بصراحة بقى في حد كلمني و قالي إنك بعد الشر مُـ..ـت ، قالي بيفولوا عليا ؟ قلت له بعد الشر ، قالي طب والنبي لو مُـ..ـت إدفىْوىْي جنب الحاجة قلت له لا الحاجة انت طلعت عيىْها خلاص ملكش دعوة بيها بقى

المهم مسك فينا لحد الغدا ، و بعت جاب إخواتنا التانيين اتغدينا مع بعض ، أنا علاقتي حلوة باخواتي التانيين أوي وهما حنينين جدًا ، المهم اتلمينا و فضل يقولي سامحوني وانا زعلت أمكم كتير و حقكم عليا و اتغدينا ، و قال هريح بس شوية بعد الغدا ، و راح مـ…ـيت !!!

أنا ساعتها حسيت إني فقدت أب كويس جدًا، إن ربنا إداله الفرصة عشان يقول سامحوني يا ولاد ، عشان يجمّعنا ببعض

عايزة أقولك إن لغاية النهاردة والله ما أعرف مين اللي إتصل بيا في التليفون..

▪️الراحلة رجاء الجداوي في حوار ببرنامج ساعة صفا)